Linawlawagan ti Armed Forces of the Philippines (AFP) dagiti pammabasol ni Atty. Levito Baligod nga adda ebidensiana iti korapsyon a nakairamanan iti sangapulo ket walo a Marines a mapapati a karaman iti surprise witness a ni Master Sgt. Orly Regala Guteza.
Segun ti AFP, ti nasao a pammabasol ket rumbeng a maadal iti husto ken investigative processes.
Pinalagipan ti AFP dagiti tropada nga aktibo ken retirado a lumiklik iti panagiwaras iti saan a verified nga impormasyon.
Iti mensahe ket pinasingkedan ti AFP na posible nga agresulta dagiti sarita iti disinformation a saan a rebbeng kadagiti umili.
Ni Baligod ti dati a senatorial candidate idi 2016 ket nagpakita kadagiti dokumento a mapapati a naglaon ti affidavits manipod kadagiti marines a mangibagbaga maipanggep iti panangited kadagiti male-maleta a kuarta kadagiti saan a nainaganan a politiko.
Dua wenno uppat nga indibidual ket mapapati a miembro ti Philippine Navy nga insigida met a pinaglibakan ti Navy.
Segun ken ni Philippine Navy Spokesperson Capt. Marissa Martinez, dagiti uppat nga indibidual ket saan a nagbalin a miembro iti Navy wenno Marine Corps.
