Nagpaaramid ti affidavit ni dati a Presidential Legislative Liaison Office (PLLO) chief Undersecretary Adrian Bersamin tapno agbalin nga alas kontra ken ni Presidente Ferdinand Marcos Jr. no aramiden daytoy a ‘fall guy’ iti flood control scandal, segun ken ni Caloocan City Rep. Edgar “Egay” Erice.
Ti affidavit ket maipagarup a naaramid iti pagtaengan ni Batangas Representative Leandro Leviste, kadua dagiti abogado ni Bersamin.
Nakaipalaon iti affidavit ti panagsinnukat ti text message da Bersamin ken Presidente Marcos mainaig ti kickback iti budget insertion ken dagiti infrastructure project.
Maipagarup nga agbuteng ni Bersamin nga agbalin a fall guy kalpasan a nairaman ti nagan na iti imbestigasion ti Senate Blue Ribbon Committee nga indauloan ni Senate President Pro Tempore Panfilo Lacson.
