--Ads--
Pinasingkedan ti Bureau of Immigration officer a ti active mobile phone SIM ni dismissed Mayor Alice Guo ti nangiturong kadagiti polis ti Indonesia iti townhouse a pagnanaedanna idiay Tangereng City.
Segun kenni BI Fugitive Search Unit chief Rendel Sy, adda tallo a cellphone number a naala kenni Guo ken adda maysa nga active number a gapuanan ti pannaka-track dagiti otoridad kenkuana.
Kinuna ti BI a maysa a babai a monghe a naam-ammo ni Guo iti mall ti akinkukua iti townhouse.
Nabigbig pay dagiti otoridad dagiti uppat nga umili a Chinese ken Indonesia a timmulong ken ni Guo a naglemmeng idiay Indonesia.
-- ADVERTISEMENT --
Sumangsango met ti naikkat a mayor iti kaso a deportation manipud iti BI ken 87 a kaso a money laundering.
