--Ads--

Nangipaay ni United States Defence Secretary Pete Hegseth kadagiti baro a restriksion iti panagtitinnulong ti militar ti Estados Unidos ken Canada, segun iti classified memo a nairuar idi napan a lawas.

Kinuna ti Pentagon a nairanta ti tignay a mangipamaysa iti singgalut ti militar kadagiti prioridad ti depensa ti Amerika bayat a mapapigsa ti rehional a seguridad.

Inlawlawag ti Pentagon a saan a saklawen dagiti restriksion ti panagbibinninglay iti intelligence, pannakitinnulong iti North American Aerospace Defense Command (NORAD) ken pannakitinnulong iti North Atlantic Treaty Organization (NATO).

Ti tignay ket kabayatan ti kimmaro a tension iti nagbaetan dagiti dua a pagilian kalpasan a nangipaulog ni US President Donald Trump iti taripa kadagiti tagilako ti Canada ken inulitna ti posibilidad nga agbalin ti Canada a maika-limapulo ket maysa nga estado ti Amerika.

-- ADVERTISEMENT --