--Ads--

Kinarit ni Commission on Elections (COMELEC) Chairman George Erwin Garcia dagiti opisial ti Naga City a paregtaenda dagiti umili a saan a nagbutos iti plebiscite nga usarenda ti karbenganda nga agbutos.

Inyunay-unay ni Garcia a ti 67% kadagiti saan a nakipaset ti pokusan imbes a ti 32.2% a nagbutos.

Inyunay-unayna a saan laeng nga umdas ti edukasion dagiti botante isu a masapul nga agtultuloy a mailawlawag kadagiti umili ti kinapateg ti pannakipasetda iti plebisito.

Kinaritna pay ti sibubukel a konseho ken dagiti lokal a lider a mangikabil kadagiti addang tapno maparegta ti ad-adu pay nga umili nga agbutos iti masakbayan a panawen.

-- ADVERTISEMENT --

Innayon pay ni Garcia a saan nga umdas ti maysa a bulan a panagsagana para iti plebesito gapu ta kasapulan ti dua agingga iti tallo a bulan a panangilawlawag tapno ad-adda a maawatan dagiti umili ti proseso.

Imbingayna pay a karaman kadagiti posible a rason ti nababa a bilang dagiti botante ket ti nakaro a napudot a panawen ken ti pammati ti sumagmamano a botante a saan a mabaliwan ti butosda ti resulta ti eleksion.