--Ads--

Inlawlawag ni PCpt. June Molina iti Sta. Maria Police Station a mismo a ti menor de edad a suspek ti nangipudno iti panagtakawna iti motorsiklo idiay Barangay Maynganay Sur, Sta. Maria, Ilocos Sur.

Dayta ket kalpasan dagiti pammabalaw iti social media mainaig ti pannakairaman ti nasao a menor de edad iti panagtakawan.

Iti pannaka-uman ti Bombo Radyo Vigan ken ni Molina, babaen iti panangtunton dagiti kaduana a pannakabagi ti linteg iti pagtaengan ti nasao a menor de edad ket naipudnona ti inaramidna ken pinasingkedan pay daytoy ti nagannakna.

Inallukoyna met ti publiko a no adda pammabalaw wenno panagduduada ket nawayada a mapan iti kuerpo ti kapulisan tapno ipakitada ti iggemda a CCTV footage tapno mapagkumparada iti iggemda met laeng a footage.

-- ADVERTISEMENT --

Malaksid dayta, innayon pay ni Molina a ti menor de edad ket adda datin a rekordna iti kapulisan.