--Ads--

Itantandudo ni Senator Loren Legarda ti pannakaipaay ti agtultuloy a suporta ken pinansial a tulong kadagiti katutubo ti komunidad a mangsalsalaknib kadagiti kabakiran ken watershed iti pagilian.

Insingasing ni Legarda ti sistema ti Payment for Ecosystem Services (PES) a mangipaay iti direkta nga insentibo kadagiti katutubo a kasukat ti panagreggetda iti panangsalaknib iti kabakiran ken watershed.

Indagadagna iti Department of Environment and Natural Resources (DENR), National Commission on Indigenous Peoples (NCIP) ken lokal a gobierno a makitinnulong kadagiti katutubo ti komunidad para iti forest monitoring, watershed rehabilitation ken pannakasalaknib dagiti pagtaudan ti danum.

Impaganetget ni Legarda ti napateg nga akem dagiti katutubo a mangipasigurado iti suplay ti danum iti tengnga ti El Niño a manamnama nga agtultuloy agingga iti rugi ti 2027.

-- ADVERTISEMENT --