--Ads--

Inaprobaran ti House Committee on Health ti House Bill 9603 tapno mapalawa ti smoking ken vaping-free areas ditoy pagilian.

Inawat ti Philippine Legislators’ Committee on Population and Development (PLCPD) ti pannakaaprobar ti nasao a gakat ken indagadagda iti Senado a suportaran daytoy tapno masalakniban ti publiko, nangruna dagiti ubbing, manipud iti secondhand smoke.

Isingasing ti gakat ti nalawlawa a smoke-free ken vape-free zones, pannakaidatag ti pondo para kadagiti programa a mangkontrol iti tabako, pannakabukel dagiti task forces ken pannakaipakat ti naing-inget a dusa.

Natakuatan ti 2024 Global Youth Tobacco Survey nga innem iti kada 10 nga estudyante a Pilipino nga agtawen iti 13 agingga iti 15 ti naipasango iti secondhand smoke kadagiti publiko a lugar.

-- ADVERTISEMENT --