Saanen nga agipila ti kaso ti biktima iti pammagkong a napasamak idiay Sitio Namnama, Barangay Orence, Narvacan, Ilocos Sur.
Ti biktima ket lalaki nga agtawen iti duapulo ket lima, idinto a ti suspek ket lalaki nga agtawen iti tallopulo ket uppat, agpada nga agnaed iti nasao a lugar.
Iti pannakiuman ti Bombo Radyo Vigan kenni PLT Reynald Ramos, hepe ti Narvacan Municipal Police Station, kinuna a pagbabaywan dagiti karaman iti napasamak nga insidente.
Gapu dayta, nagipilan ti affidavit of disinterest to file a case ti biktima ti pammagkong gapu ta awan met laeng sabsabali kadakuada.
Maipalagip nga agpatpatang ti suspek ken ti asawa ti biktima mainaig iti pannakabingay dagiti sanikua ti pamiliada, idin insardeng ti asawa ti biktima ti patangan, gapu ta nakainomdan dagitoy a dua.
Kalpasanna, binugkawan ida ti biktima, ken imbagana nga isardengna ti panagpatangda ta aginanadan, ket gapu dayta, nakapungtot ti asawa ti suspek ket nagturong iti nabara ti saritaanda iti biktima.
Kabayatan dayta a pasamak, mapapati a nangala ti suspek iti kutsilio iti pagtaenganda ket napan iti biktima sa binagkongna iti naminsan a daras iti kannigid a takyagna.
Nadunor ti biktima ket naitaray iti ospital para iti pannakatamingna, idinto a naanawa met ida babaen kadagiti karruba ken kabagyanda.
