Opisialen nga inrusat ti Samahang Basketbol ng Pilipinas (SBP) ken University Athletic Association of the Philippines (UAAP) ti baro a nagan ti women’s basketball team ti pagilian a Gilas Hiraya.
Segun iti BSP, ti balikas a “Hiraya” ket mangisimbolo iti panangtungpal iti arapaap, namnama ken kalikagum, a ti gagemna ket ipaayan iti bukod a pakabigbigan ti national women’s basketball team.
Kayat ti SBP nga adda naidumduma a pakabigbigan ti grupo imbes a sumurot lattan iti nagan ken programa ti men’s basketball team.
Maipalagip a naam-ammo ti grupo kas Perlas Pilipinas manipud 2005 agingga 2019 sakbay a naawagan a Gilas Pilipinas Women, idinto a nangrugi ti proseso iti panangsukat ti nagan idi napan a tawen kalpasan dagiti konsultasion iti UAAP ken dagiti opisial ti FIBA.
