Indauluan ti Department of Energy (DOE), babaen ti Oil Industry Management Bureau (OIMB) ken Department of Trade and Industry (DTI) iti umuna a konsultasion ti publiko maipapan iti naisingasing nga LPG Cylinder Swapping Center Operational Guidelines.
Nakipaset dagiti grupo dagiti konsyumer, maseknan iti industria ti liquefied petroleum gas (LPG), ken dadduma pay a pannakabagi iti konsultasion tapno marepaso ken mangipaay iti rekomendasion kadagiti naisingasing a pagannurotan.
Panggep ti singasing ti mangikeddeng kadagiti pagalagadan para iti panagsinnukat kadagiti silindro ti LPG, pannakalapped ti saan a natalged a panagkarga, ken pannakasigurado a nangato ti kalidad ken natalged dagiti tangke nga awaten dagiti konsyumer.
Napagsasaritaan pay ti akreditasion dagiti pasilidad, nalawag a pagalagadan ti pannagmanehar, ken patas a panagtagilako tapno masalakniban dagiti konsyumer ken mataginayon ti balanse iti merkado.
