Inlawlawag ti Department of Energy (DOE) ti mapapati a pannakaitantan ti panagbayad iti maysa a souvenir shop a nagaramid kadagiti produkto para iti ASEAN kalpasan a nagreklamo ti supplier iti social media gapu iti kinakurang ti down payment ken narigat a masingir.
Segun iti negosyante, immabot iti maysa bulan ti transaksion ket naapektaran ti negosioda ken dagiti komunidad a supsuportaranda ita a paskua.
Iti met depensa ti DOE, regular a nakipatangda iti supplier iti uneg ti naikeddeng a 30-aldaw a panagtrabaho a panawen ti panagproseso a naibaga iti Terms of Reference-da.
Inlawlawag pay ti ahensia nga idi bimmisita ti supplier idi Oktubre 29, 2026, dagus a nangipaayda iti update ken sinigurado da a nainget ti panang monitor da iti pannakaproseso ti bayad.
