Nangipaay ti Department of Agrarian Reform (DAR) ti indibidual a titulo kadagiti nasurok 5,800 nga agrarian reform beneficiaries (ARBs) idiay Caraga a mangsaklaw iti 10,777.9566 nga ektaria a daga.
Indauluan ti Agusan del Sur dagiti benepisiario nga addaan iti 3,120 a mannalon a nakaawat iti titulo para iti 6,101.1337 nga ektaria a daga babaen ti Support to Parcelization of Lands for Individual Titling (SPLIT) Project.
Nagiwaras pay ti ahensia iti regular Land Acquisition and Distribution (LAD) titles a mangsaklaw iti 420.4129 nga ektaria kadagiti 307 a benepisiario manipud iti Agusan del Norte, Agusan del Sur ken Surigao del Sur.
Nangipaay pay ti DAR iti P2.443-M a gatad ti makinaria, farming equipment ken livelihood packages kadagiti innem a beneficiary organizations tapno mapaadu ti produksion ken matgedan dagiti mannalon.
