Isagsagana ti DA ti P61.99-billion action plan tapno malabanan ti epekto ti El Niño iti food production, nupay adda pay laeng ti P371 million proposed intervention nga awan ti pondo na.
Kalpasan daytoy ti tignay a mangpapigsa iti panagsagana, agraman ti panagadal iti panagangkat kadagiti bukel a naandur iti tikag manipud India ken panagisayangkat iti cloud seeding.
Naibilin met ti nainget a panangbantay iti merkado ken panang monitor iti presio maibusor iti panag ganansia tapno masalakniban dagiti consumer.
Mangisagana ti DA iti listaan dagiti benepisyaryo para iti napardas a pannaka iwaras ti tulong kadagiti apektado a komunidad.
Makitinnulong pay ti ahensia iti DSWD ken DOLE para iti livelihood ken cash-for-work programs kas iti Project LAWA ken Trabahong-Dagat para kadagiti mannalon ken mangngalap.
~Bombo Kleo
