--Ads--
Naballigi a naileppas ti Pilipinas ti kaunaan a High-Seas Boarding and Inspection Mission babaen ti Western and Central Pacific Fisheries Commission tapno malabanan ti illegal a panagkalap.
Pormal a dimmanon dagiti mission personnel idi Nobiembre 12 iti Coast Guard Fleet, Pier 13, South Harbor, Manila.
Naisayangkat ti operasyon ti BFAR ken Philippine Coast Guard a naglugan ti BRP Teresa Magbanua iti Pacific manipud Oktubre 15 agingga iti Nobiembre 12, kas paset ti pannakaipatungpal dagiti international fishing laws.
Mangisayangkat dagiti dua nga ahensia iti repaso ken mangaramid iti operational manual tapno ad-adda a mapasayaat ti sumaruno nga operasion iti baybay.
-- ADVERTISEMENT --
