Nangiruar ti Makati Regional Trial Court iti extradition arrest warrant kontra ken ni Kingdom of Jesus Christ leader Pastor Apollo Quiboloy ken dagiti dua a padana nga akusado a da Teresita Dandan ken ni Helen Panilag mainaig kadagiti kaso a sangsangwenda idiay Amerika.
Nangiruar pay ti korte iti hold departure order tapno malapdan ida a makapanaw iti pagilian kabayatan a madengdengngeg ti extradition proceedings.
Agdama a nakaibalud ni Quiboloy iti Pasig City Jail gapu iti agsina a kaso a qualified human trafficking, idinto a sumangsango isuna kadagiti kaso a sex trafficking, child sex trafficking ken money laundering idiay Amerika.
Adda met ti 15 nga aldaw dagiti akusado manipud iti panangawatda iti summons tapno mangipasa iti verified answer-da iti korte.
