--Ads--
Kinumpirmaran ni Gilas Pilipinas head coach Tim Cone a nasapa a makadua iti ensayo ti national team ni Kai Sotto para iti fifth window ti FIBA World Cup 2027 Asian Qualifiers.
Segun ken ni Cone, kaduada nga agbiahe ni Sotto a mapan idiay Seremban, Malaysia inton Nobiembre 21 kalpasan a mairaman iti 12-man roster ti grupo.
Naawan payen ti amakna iti injury kalpasan a nagay-ayam iti maudi a laban ti Japan League ken nangipeksa ti interesna a makaay-ayam para iti Gilas.
Makasango ti Pilipinas ti Syria ken Iran iti nasao a qualifying window, ket manamnama a dakkel a tulong ti kaadda ni Sotto iti kampania ti grupo.
-- ADVERTISEMENT --
