--Ads--
Inallukoy ni Hollywood actress Angelina Jolie dagiti miembro ti ASEAN nga ipateg ken suportaran ti pagbiagan, kultura, ken talugading dagiti lokal a komunidad.
Iti panagbisitana iti Pilipinas para iti 2026 ASEAN Inclusive Growth Summit idiay Taguig City, imbingayna a nasurok dua a dekadan a pannakibinnuligna kadagiti komunidad idiay Cambodia.
Inyistoryana pay dagiti inisyatiba a sinuportaranna, agraman ti panangdalus kadagiti lugar nga addaan iti landmine, panangaywan iti aglawlaw, ken panangpadur-as iti sustainable livelihood.
Impaganetget pay ni Jolie ti kinapateg ti panangipaay ti oportunidad kadagiti lokal nga artista ken babassit a negosiante babaen iti proyektona nga Atelier Jolie tapno mayam-ammo dagiti produktoda iti world market.
-- ADVERTISEMENT --
