--Ads--
Posible nga umabot iti nasurok P7 kada kilowatt-hour dagiti maitukon a presio iti kaunaan nga auction ti natural gas iti pagilian para kadagiti planta ti kuryente nga adda iti mid-merit category.
Iti salinong ti gakat a resolusion, nangituding ti Energy Regulatory Commission (ERC) ti agduduma a gas auction threshold, depende iti teknolohiya a maaramat ken no ti planta ti kuryente ket datin nga adda wenno maipatakder pay laeng.
Insingasing ti ERC ti kangatoan a presio a P7.16 kada kWh para kadagiti maipatakder a Combined-Cycle Gas Turbines.
Kabayatanna, dagiti baro a maipasdek a Gas Reciprocating Engines nga agar-aramat ti darakkel nga internal combustion engine tapno makapataud ti kuryente ket maaddaan ti kangatoan a presio a P6.79 kada kWh.
-- ADVERTISEMENT --
