Imbilin ti Energy Regulatory Commission (ERC) iti Manila Electric Company (Meralco) nga ag-refund ti kabuklan a P9.5 bilyon kadagiti consumer gapu iti nalabes a nakolekta a singir ti kuryente idi 2025.
Basar iti decision ti ERC, katukad daytoy ti P0.3449 ti kada kilowatt-hour a maikissay iti bill dagiti consumer iti uneg ti innem a bulan.
Ipakita ti refund kas kasina nga item iti monthly electricity bill ken manamnama a marugyan inton sumaruno a billing cycle.
Segun ken ni ERC Chairperson ken CEO Francis Saturnino Juan, maipatungpal ti refund iti oras a maawat ti Meralco ti opisial a decision ti komision.
Inlawlawag ti ERC a ti refund ket bunga ti panangkita iti husto kadagiti singir idi naawagan ti lapsed period manipud Enero agingga Disiembre 2025.
