Pinalubosan ti Kuala Lumpur High Court idiay Malaysia a maiyakar ni dati a Prime Minister Najib Razak iti house arrest kalpasan a tinaginayonna ti bilin maipapan iti kondisional a pardon ken nababa a sentensia.
Napalubosan ni Najib a mangserbi iti nabati nga innem a tawen a sentensia iti pagtaengan kalpasan a nagbayad ti partidona iti United Malays National Organization iti $12 milion a multa mainaig iti kaso a korapsion iti 1Malaysia Development Berhad (1MDB).
Immunan a kinontra ti abogado-hneral ti pannakaiyakar ni Najib gapu kadagiti legal nga isyu, ngem ni Kuala Lumpur High Court Judge Aslam Zainuddin ket nangibilin a ti house arrest ket maipatungpal a maitunos iti kondisional a pammakawan a naited iti dati a lider.
Inlawlawag ti abogadona nga agtalinaed nga epektibo ti house arrest gapu ta saan a makaruar iti balayna no awan ti special permission, idinto a sumango met iti naisina a 15 a tawen a sentensia mainaig iti 1MDB scandal.
