Nagpanawagan ni Senador Christopher “Bong” Go iti Philippine Health Insurance Corporation (PhilHealth) a palawaen dagiti benepisio para kadagiti pasiente nga adda systemic lupus erythematosus (SLE) wenno lupus tapno makissayan ti gastos da iti napaot a panagagas.
Segun ken ni Go, vice chairperson ti Senate Committee on Health, napateg a marisut saan laeng ti gastos iti panag-ospital no di ket uray pay ti regular a konsultasion, laboratory examinations, maintenance medications ken dadduma pay a medikal a kasapulan dagiti pasiente.
Ti lupus ket maysa a chronic autoimmune disease no sadino maatake ti immune system ti bukod a tissue ken organ ti bagi, pakairamanan ti bato, puso, bara, kudil ken nagsusuopan.
Immunan a pinasingkedan ni Go nga inkari ti Philhealth kadagiti panagdengngeg iti budget a mabungkel ti maseknan a benefit package para kadagiti adda ti lupus.
