Nangidatag ni Republican Representative Thomas Massie ti Walo nga Artikulo ti impeachment kontra ken ni US Defence Secretary Pete Hegseth gapu iti maipagarup a panangideklarar na iti gubat kontra Iran nga awan ti pammalubos ti Kongreso.
Karaman kadagiti alegasion ti panaglabsing ni Hegseth iti 1973 War Powers Resolution ken ti maipagarup a panangabuso iti posision na kas Pangulo ti Pentagon.
Pinaglibakan met ti Pentagon dagiti alegasion, bayat nga inyebkas ni US President Donald Trump ti suporta na iti sekretario na. Nupay kasta, adda sumagmamano a Republicans a mammanday-linteg a mabalin a kumadua kadagiti Democrats tapno suportaran da ti impeachment.
Manamnama a mangrugi ti Panagbotos iti impeachment resolution inton Miyerkules kalpasan ti dumakdakkel nga panagkedked iti liderato ni Hegseth ken pannaka upay dagiti botante gapu iti panagngato ti presio iti lana a nainaig iti gubat iti Iran.
