Kiniddaw ni Parañaque 2nd District Rep. Brian Yamsuan iti Philippine Health Insurance Corporation (PhilHealth) nga yatiddog ti outpatient coverage-da para iti dialysis ken dadduma pay a wagas iti panangtaming kadagiti adda sakitna iti bato wenno kidney.
Ti panawagan ni Yamsuan iti PhilHealth ket nakapauneg iti naipila a House Bill 6310 a gagem a malapdan wenno insigida a mabigbig ti chronic kidney disease (CKD).
Tignay ti gakat ni Yamsuan iti ngimmato a bilang dagiti Pilipino manipod agtawen iti duapulo agingga limapulo ket siam a matamtamaan iti CKD kas maibasar ti rekord ti Philippine Renal Disease Registry.
Iti salinong ti gakat ni Yamsuan ket bayadan ti PhilHealth ti amin a gastos para ti maintenance, dialysis, agas, professional fees dagiti doktor ken mabayadan ti ospital dagiti CKD patients.
