Impakaammo ni Education Secretary Sonny Angara a mangsapsapul ti Department of Education (DepEd) iti kanayunan a security guards a matangdanan a mausar iti P500-M a pondo a naidatag iti General Appropriations Bill, partikular kadagiti dadakkel ken high-risk schools iti urban areas.
Innayonna pay nga agtultuloy ti safety drills kadagiti pagadalan iti intero a pagilian tapno maisagana dagiti mannursuro ken estudyante para kadagiti posible nga insidente.
Ti baro nga executive order ket palubosanna pay dagiti pagadalan a direkta a makikoordinar kadagiti local government units (LGUs)-da tapno ituloyda ti klase no natalged ti lugarda iti laksid ti dakes a paniempo, nga inawaganna a granular resumption.
Iti sabali a bangir, inawagan ni Angara dagiti barangay, pamilia ken relihioso a komunidad nga agtitinnulongda kontra iti nihilistic violent extremism (NVE) ken mangitandudo kadagiti programa ti edukasion, salun-at ken social welfare.
