--Ads--
Itantandudo ni Parañaque Representative Brian Yamsuan ti pannakapapigsa ti art teaching kadagiti high school tapno mapatanor ti talugading dagiti agtutubo ken mapadur-as ti creative industry iti pagilian.
Babaen ti House Bill 7864, mapalawa ti Special Program for the Creative Arts ti DepEd babaen ti pananginayon kadagiti asignatura iti pelikula, arkitektura, disenio ken digital media.
Panggepna pay nga isagana dagiti estudiante para iti trabaho ken entrepreneurship iti creative industry babaen ti panagsanay, scholarship ken panagtitinnulong kadagiti pribado a kompania.
Karaman pay iti singasing ti panangawat kadagiti eksperto kas manursuro ken panangipaay iti insentibo iti buwis a mangsuporta iti panagdur-as ti creative industry iti pagilian.
-- ADVERTISEMENT --
