--Ads--
Indagadag ni Akbayan Party-list Rep. Percival “Perci” Cendaña a sanguen ni Sen. Ronald “Bato” dela Rosa dagiti kaso iti sanguananna imbes nga agpammarang a biktima.
Segun ken ni Cendaña, dagiti pudno a biktima ket dagiti rinibu a pamilia a napukawan iti ay-ayatenda gapu iti pammapatay a nainaig iti kampania kontra droga.
Inyebkas pay ti kongresista ti immun-una a kinatured nga impakita ni Dela Rosa ken kinunana a rumbeng nga agtakder iti dati a sasaona imbes nga aglemmeng ken agpakaasi.
Inyunay-unay ni Cendaña a saan a nasken nga usaren ni Dela Rosa ti bilegna kas senador ken impluensia tapno maliklikan ti panagsungbat, no saan ketdi sanguenna ti kaso kontra kenkuana.
-- ADVERTISEMENT --
