Inakusaran ti United Nations human rights investigator a ni Kelley Currie ti militar ti Myanmar nga inggagarada a rauten dagiti sibilian tapno butbutngen ken piliten ida nga agtulnog iti gobiernoda.
Impakdaar pay ni Currie a ti agtultuloy a panaggatang ti Myanmar kadagiti armas manipud China, Russia ken dadduma pay a pagilian ket mangpakaro iti panagsusupiat, pakairamanan ti kumarkaro a kasasaad ti karbengan ti tao.
Pinagduaduaanna pay ti pannakilangen ti dadduma a pagilian iti gobierno ti Myanmar a saanda a kalikaguman dagiti addang, kas iti pannakapasardeng ti kinaranggas, pannakawayawaya dagiti nakaibalud iti politika ken pannakaitandudo ti saritaan ti kappia.
Namakdaar pay ti imbestigador iti posible a mapabaro a kinaranggas kadagiti minoridad, agraman dagiti Rohingya, no mangipaulog ti International Court of Justice iti pangngeddeng maipapan iti 2017 genocide alegation.
