Itantandudo ni Presidente Ferdinand Marcos Jr. ti pannakapapigsa dagiti taraon ti Pilipino kas sabali pay a rason ti panagpasiar dagiti turista iti pagilian ken panagsukisok kadagiti lokal a taraon ken kultura.
Iti panagbitlana iti Michelin Guide Restaurant Ceremony para iti Manila and Environs & Cebu 2027, kinuna ti Presidente a ti panangbigbig kadagiti lokal a panganan ket makatulong a mangitandudo iti taraon dagiti Pilipino iti intero a lubong.
Impaganetget pay ni Presidente Marcos a ti panagdur-as ti culinary tourism ket mangted iti ad-adu a gundaway kadagiti mannalon, mangngalap, food producers ken micro, small and medium enterprises (MSMEs).
Inkari pay ti Presidente a pasayaatenna ti imprastruktura ti transportasion, palawaenna ti koneksion kadagiti rehion ken suportaranna ti culinary education tapno mapadur-as ti food tourism.
