Nagpanawagan ti Samahang Industriya ng Agrikultura (SINAG) iti Malakanyang a iti pannakasuspinde iti panagangkat iti karne ti baboy ken pannakaingato ti taripa kadagiti imported products.
Segun kenni SINAG Executive Director Jayson Cainglet, addan proposal ti Department of Agriculture (DA) iti Tariff Commission tapno maipangato ti taripa iti imported a baboy.
Inlawlawag ni Cainglet a gapu ta imbaba ti Presidente ti taripa babaen ti Executive Order, mabalin met a maipangato manen daytoy babaen ti baro a direktiba.
Dimmanon iti P50 ti price gap iti nagbaetan ti presko ken imported a kasim, idinto a P80 ti nagdumaan ti presio ti presko ken imported a liempo, isu a kalikaguman ti grupo ti madagdagus a panagtignay tapno masalakniban dagiti lokal a mannalon ti baboy manipud iti pannakalugi.
