--Ads--
Impaganetget ni Defence Secretary Gilberto Teodoro Jr. nga agpapada dagiti prinsipio nga iggem dagiti pagilian a kameng ti ASEAN ken dagiti kakaduana iti dialogue.
Dagitoy ket mairaman ti panagraem ti kinasoberano ken teritorial a kinatarnaw ti tunggal maysa a pagilian, ken kasta met ti saan a pannakibiang kadagiti akin-uneg nga aramid dagiti sabali nga estado.
Impaganetget pay ni Teodoro ti kinapateg ti natalna a pannakarisut dagiti saan a pagkikinnaaawatan ken panangilaksid iti pangta wenno panagusar iti puersa.
Innayonna pay a dagitoy a prinsipio ti nangpagkaykaysa kadagiti pagilian iti adu a dekada ken rumbeng nga agtultuloy a mangiwanwan kadakuada kadagiti sumaruno a tawen.
-- ADVERTISEMENT --
