Indagadag ti National Council on Disability Affairs (NCDA) kadagiti lokal a gobierno a siguraduenda ti natalged ken naurnos ti pannakagun-od dagiti persons with disabilities (PWD) kadagiti sementerio ita nga Undas.
Impaganetget ti NCDA a maibasar iti Accessibility Law ken Magna Carta for Persons with Disabilities, masapul nga awan ti lapped dagiti pagnaan ti publiko ken addaan iti umdas a pasilidad para kadagiti PWD.
Karaman iti mandato ti ahensia ti pannakaikabil dagiti temporario a rampa, nalawag a karatula, ken umdas a silaw, kasta met ti pannakaikkat dagiti lugan ken tagilako a manglapped kadagiti pagnaan.
Nagpanawagan pay ti NCDA kadagiti LGU a mangsukimat ken mangtarimaan kadagiti sementerio sakbay ti panagsangpet dagiti bisita tapno masigurado a natalged ken dignidad a malagip ti tunggal maysa dagiti pimmanaw nga ay-ayatenda.
