--Ads--
Suksukisuken ti Philippine Coast Guard (PCG) ti kabaelan ken panggep ti saan pay nabigbig a banag a naglugan iti barko a nakita iti Bajo de Masinloc lagoon iti West Philippine Sea.
Segun ken ni PCG spokesperson ti West Philippine Sea Rear Admiral Jay Tarriela, saan pay a masigurado no Chinese research vessel ti nasao a barko maibasar iti bow number ken IMO number-na.
Us-usigen ti PCG no ti maris kahel a banag nga addaan kadagiti sensor ken antena ket submersible wenno maus-usar kadagiti operasion iti uneg ti danum, pakairamanan ti marine scientific research.
Nakita pay iti nasao a lugar ti lima a barko ti Chinese maritime militia, tallo a barko ti China Coast Guard ken maysa a People’s Liberation Army Navy warship.
-- ADVERTISEMENT --
