Awan pay ti naawat nga umuna a pagilasinan ti panagsuko ni Senador Ronald “Bato” Dela Rosa, segun iti Philippine National Police (PNP), uray naikkan iti maysa lawas a pawayway.
Segun ken ni PNP spokesperson Police Colonel Allen Rae, naituding dagiti kanayunan a tracker teams a mangsurot iti senador uray kaykayat dagiti otoridad a boluntario a sumuko tapno maliklikan ti aniaman a riribuk.
Immuna a naipakaammo ti ₱50 milion a gunggona para iti asinuman a makaipaay iti impormasion iti ayan ni Dela Rosa, a maipagarup a sal salakniban ti maysa nga armado a grupo idiay Mindanao, segun iti DILG.
Ti senador ket sapsapulen ti International Criminal Court gapu iti kaso a crimes against humanity a mainaig iti kampania ni dati a Presidente Rodrigo Duterte kontra iti droga, ta maibilang kas co-perpetrator.
