Tulong, imbes a persekusyon ti mapapati a kasapulan ni Senador Ronald “Bato” Dela Rosa, segun iti asawana a ni Nancy.
Iti maysa a social media post, pinasingkedan ni Nancy a minilion a tattao latta ti mamati ken sumupsuporta iti senador, a sumangsango iti warrant of arrest manipud iti International Criminal Court mainaig iti war on drugs ti administrasion ni dati a Presidente Rodrigo Duterte.
Nagpanawagan pay isuna kadagiti dati a gayyem ti senador a saan a maaramat daytoy para iti personal nga interesda, no di ket nasaysayaat a matulongan.
Rimmuar daytoy nga statement kalpasan ti panangiwaragawag ti Department of the Interior and Local Government (DILG) ti ₱50 milion a gungona para iti impormasion a makaiturong iti pannakakemmeg ni Dela Rosa.
