--Ads--
Mamati ni National Bureau of Investigation (NBI) Director Melvin Matibag a dandanin a matunton ni Senador Ronald “Bato” dela Rosa.
Positibo ti panagkita ti NBI a masapul wenno matunton met laeng ni Dela Rosa tapno sangoen ti warrant of arrest kontra kenkuana nga inruar ti International Criminal Court.
Maipalagip nga aglemlemmeng ti senador manipud idi naipadamag nga inruaren ti ICC ti warrant of arrest gapu ti mapapati a pannakainaig na iti crimes against humanity case iti war on drug idi napalabas nga administrasion.
Kabayatanna, pinasingkedan ni Matibag a makatulong ti P50 milyon reward nga impakaammo ni Department of the Interior and Local Government (DILG) Secretary Jonvic Remulla, iti makaitudo iti ayan ni senador Dela Rosa.
-- ADVERTISEMENT --
