Kinumpirmaran ti Philippine National Police (PNP) Criminal Investigation and Detection Group (CIDG) nga immabot iti 40 a subpoena ti naipaulog dagitoy mainaig iti 521 kg. iti methamphetamine wenno shabu shipment a na-intercept iti pagilian ti Laos.
Segun kenni CIDG Director PMGen. Robert Alexander Morico II, 11 kadagiti naikkan iti subpoena ti maibilang a persons of interest iti nasao a kaso.
Madama ti Panagurnong da iti ebidensia ken dadduma pay a dokumento nga ipasa da iti opisina ni PNP Chief General Jose Melencio Nartatez Jr. inton Biernes ken iti Philippine Drug Enforcement Agency (PDEA).
Immuna a pinasingkedan ti CIDG nga adda 21 a tattao a naikkan iti subpoena tapno malawlawagan ti husto ken kinapudno ti droga a nakompiskar manipud iti pagilian a Laos.
~Bombo Kleo
