Indeklarar ti Supreme Court nga unconstitutional ti General Appropriations Acts (GAA) para iti 2024 ken 2025 gapu iti panagngato ti budget nga inaramid ti Kongreso, kasta pay dagiti sumagmamano a probision iti 2026 budget a nangpalubos iti unprogrammed appropriations.
Pinasingkedan ti SC a naideklarar nga unconstitutional ti 2024 GAA gapu ti nayon a P449.5 bilyon nga unprogrammed appropriations.
Napaawan pay bisa ti 2025 GAA gapu iti nayon a P17.99 bilyon para iti Special Road Fund.
Iti 2026 GAA, naideklarar met nga unconstitutional ti Special Provisions ti 1(a) ken (b), Chapter XLIII, a nangituding dagiti kondision para iti panagaramat ti unprogrammed appropriations.
Nupay kasta, inlawlawag ti Korte Suprema a saan nga otomatiko a panaglabsing iti Konstitusion ti unprogrammed appropriations, masapul laeng a maaddaan ti nalawag a limitasion ken safeguards tapno masigurado ti disiplina iti pananggastos, ken transparency.
