Maysa ti nadangran iti napasamak a vehicular traffic incident idiay along national highway Barangay Imus, ili Santiago.
Ti nagmaneho ti 18 wheeler truck ket agtawen iti limapulo, truck driver, residente ti Barangay Cuancabal, Cabugao, Ilocos Sur.
Ti met nagmaneho ti Toyota Hilux pick up ket agtawen iti tallopulo ket innem, residente ti Barangay 21, San Agustin, San Nicolas, Ilocos Norte, ken adda ti maysa a kaluganna.
Segun iti drayber ti truck, agturong isuna iti amianan a direksion nga adda iti inner lane ket idi madanonna ti nakapasamakan ti insidente, ti pickup nga aggapu iti bangir a linya ket mapapati a napan iti northbound lane isu a nadungpar na ti trailer ti truck.
Gapu daytoy, naawanan ti kontrol ti nagmaneho ti pickup ket natulid ti lugan a napan iti northbound outerlane ti kalsada.
Pinadas pay a liniklikan ti truck ti pickup ngem saan a nagballigi isu a nagdinnungpar latta dagiti dua a lugan.
Nagsagaba ti nagmaneho iti pickup ti minor injuries ken chest pain a naipan iti balay pagagasan para ti naan-anay a pannakatamingna, idinto a saan a naan-ano ti drayber ti truck ken ti occupant ti pickup.
