--Ads--
Sinuportaran ni Senador Kiko Pangilinan ti panawagan dagiti hog raiser nga i-ngato ti farm gate price ti baboy ken ingetan ti kontrol iti importasion.
Pinasingkedan ni Pangilinan a masapul a siguradoen ti gobierno a nainkalintegan ti pastrek dagiti lokal a producer bayat nga agtaltalinaed a nalaka ti presio ti baboy para iti Pilipino.
Idi napan nga aldaw, nagpanawagan dagiti lokal hog raiser ken ni President Ferdinand Marcos ken iti Department of Agriculture nga i-ngato iti P210 kada kilo ti farm gate price ti live weight hog ken i-ngato ti taripa iti imported a baboy.
Innayon ti senador a masapul a naan-anay ti farm gate price tapno matakkuban ti production cost ken maikkan ti patas a pastrek dagiti hog raiser.
-- ADVERTISEMENT --
