Nagisayangkat ti protesta dagiti mangisursuro, education workers ken education students, pakairamanan iti Alliance of Concerned Teachers (ACT) Philippines iti sangoanan ti Malakanyang.
Kangrunaan a panawagan ti grupo ti panagngato ti entry-level dagiti mangisursuro iti P50, 00, panagngato ti Personnel Economic Relief Allowance (PERA) iti P5, 000 ken panangilatang ti katukad nga innem a porsiento ti gross domestic product ti pagilian para iti edukasion.
Segun iti ACT, makatulong daytoy tapno marisut dagiti kinakurang kadagiti pagadalan, kumarkaro a kondision dagiti pasilidad, ken agtultuloy a learning crisis.
Nagpanawagan pay ti grupo ti pannakadusa manipud iti administrasion mainaig dagiti alegasion ti nalawa a korapsion, ken kinaawan ti tignay ti gobierno bayat nga agtaltalinaed a kurang ti pondo para iti edukasion ken dadduma pay a kangrunaan a serbisio iti komunidad.
