--Ads--
Manamnama a leppasen ti House prosecution ita a lawas ti panangidatag dagiti ebidensia kontra ken ni Vice President Sara Duterte, sakbay met nga ipasango ti depensa ti panig da iti impeachment trial.
Segun ken ni lead prosecutor Atty. Gerville “Jinky Bitrics” Luistro, ni financial expert Atty. Alexander Cabrera ti maudi a witness ti prosecution iti alegasion ti unexplained wealth ni VP Sara.
Iti testimonia ni Cabrera, mapatta-patta nga P817.87 milyon ti maipagarup a saan a naideklarar a baknang ken pastrek ti bise presidente ken ti asawana a ni Atty. Manases Mans Carpio manipud 2022 agingga 2025.
Karaman kadagiti masuksukisok dagiti record ti bangko, tax records, SALN ken dokumento dagiti kompania nga adda pakainaigan dagiti agsawa.
-- ADVERTISEMENT --
