--Ads--
Inallukoy ti Malakanyang dagiti makipaset iti nakatuding a September 21 rally a pagtalinaeden ti kappia ken nasayaat ti demonstrasion.
Pinasingkedan ni Presidential Communications Office Undersecretary ken Palace Press Officer Claire Castro nga adda karbengan dagiti Pilipino nga iyebkas dagiti marikrikna da.
Impasigurado ni Castro a saan lapdan ni Presidente Ferdinand Marcos Jr dagiti umili nga agibingay ti opinion da babaen iti nakappia a panagummong ngem immapela kadagiti protesters a liklikan ti kinaranggas.
Kabayatanna, impasigurado ti opisial a nakasagana ti Philippine National Police para iti September 21 demonstrations, bayat nga agtultuloy a ris-risuten ti gobierno ti irregularidad iti flood control projects.
-- ADVERTISEMENT --
