--Ads--
Impasigurado ti National Capital Region Police Office (NCRPO) ti kinasagana da tapno pagtalinaeden ti seguridad ken mangted ti tulong kadagiti commuter nga apektado ti transport strike.
Imbilin ni NCRPO OIC Brig. Gen. Christopher Abrahano dagiti police district ken station a makibinnulig kadagiti LGU, transport authorities ken dadduma pay nga ahensia para iti seguridad ken dagus a tulong kadagiti lugar a posible a makapadas ti kinakurang ti lugan.
Pinasingkedan ni Abrahano a respetaren ti pulisya dagiti karbengan dagiti transport group nga ag-protesta a nakappia.
Nupay kasta, kiniddaw pay ti opisial a pagtalinaeden ti naurnos kilos-protesta ken respetaren dagiti driver ken operator nga agtultuloy nga agbibiahe.
-- ADVERTISEMENT --
