--Ads--
Pinagkedkedan ti National Capital Region Police Office (NCRPO) ti agwarwaras a damag a dua nga indibidwal ti natay iti kilos-protesta idiay Manila idi Setyembre 21.
Segun iti NCRPO, basar iti monitoring da ken dagiti report manipud dagiti pulis a naka-deploy iti lugar, awan ti naireport a natay wenno casualty kadagiti protesta.
Pinasingkedan ti kapulisan a naaddaan ti apagbiit a tension ngem dagus met laeng a nasimpa babaen iti dayalogo ken panangipatungpal ti maximum tolerance.
Immunan nga impaganetget ti Philippine National Police nga awan ti nakemmeg kadagiti insidente ti tension ken sumagmamano nga indibidwal a kinemmeg dagiti pulis ket dagus met laeng a nawaya-wayaan.
-- ADVERTISEMENT --
