--Ads--
Inpakaammo ti Department of Migrant Workers nga adda ti pitopulo ket walo a Filipino seafarer a nagkedked nga agbiahe ken dumalan kadagiti high-risk area ken warlike zone kas ti Red Sea ken Gulf of Aden.
Segun kenni DMW Sec. Hans Leo Cacdac, nababa daytoy a bilang gapo ta ado a Filipino seafarers ti mayat a dumalan kadagiti napeggad a lugar uray no adda pangta ti panangraut manipud iti grupo dagiti Houthi.
Nupay kasta, bigbigen ti ahensia ti waya-waya a makapag-navigate dagiti seafarers ken ship owners.
Immuna a nangipaulog ti DMW iti guidelines para kadagiti licensed manning agencies (LMAs) tapno paliiwen no adda dagiti maidestino a Filipino seafarers kadagiti barko a lumasat kadagiti high-risk ken conflict-affected areas.
-- ADVERTISEMENT --
