Umaboten iti 7.4 million nga indibidual wenno katukad ti 2.1 million a pamilia ti apektado kadagiti kalamidad iti pagilian.
Iti kaudian a listaan ti National Disaster Risk Reduction and Management Council (NDRRMC), nairekord dagiti apektado a populasyon iti Ilocos Region, Cagayan Valley, Central Luzon, Calabarzon, Bicol Region, Western Visayas, Zamboanga Peninsula, Cordillera Administrative Region, National Capital Region ken MIMAROPA.
Agtaltalinaed iti duapulo ket siam ti bilang dagiti natay gapu iti panagduprak iti Bagyo Luis, Maymay ken habagat.
Nairekord pay iti natay a sangapulo ket lima idiay Benguet, uppat idiay Rizal ken Batangas, dua idiay Caloocan ken saggaysa idiay La Union, Quezon, Oriental Mindoro ken Negros Occidental.
Adda pay tallo a tattao iti naireport a mapukpukaw idinto a sangapulo ket siam iti nadunor.
Iti agdama ket agtaltalinaed kadagiti evacuation center ti 40,600 nga indibidual wenno katukad iti 1,,900 a pamilia.
