--Ads--
Maipatungpal inton Oktubre 26 ti nayon a sweldo nga agingga iti P45 kada aldaw para kadagiti minimum wage earner idiay CALABARZON.
Katukad daytoy ti agingga P1, 170 a nayon iti binulan a sweldo dagiti mangmangged iti rehiyon.
Basar iti Wage Order No. IVA-23, agduduma ti agbalin a nayon a sweldo, depende iti sector ti trabaho ken kategorya ti munisipalidad.
Segun iti National Wages and Productivity Commission (NWPC), nasurok 1.56 milyon a minimum wage earner iti CALABARZON ti magunggonaan iti baro a wage adjustment.
-- ADVERTISEMENT --
Naaprubaran ti nayon a sweldo babaen iti tripartite mechanism a pakairamanan ti mangibagi ti mangmangged, employer ken gobierno tapno sukisoken ti agdama a kasasaad ti ekonomiya iti rehiyon.
