Umaboten iti nasurok 9,000 a classroom ti nadadael gapu iti napasamak a layos nga epekto ti habagat ken dagiti naglabas a bagyo iti pagilian.
Segun ken ni Department of Education (DepEd) Sec. Sonny Angara, maibasar ti kaudian a report ket 1,594 a pagadalan iti intero a pagilian ti nadadael a nakaapektar iti 9,579 classrooms.
Kaaddoan a nadadael a classroom ket manipod Central Luzon (Region III) a pakabuklan a 3,596 classrooms ken adda ti minor ken major damage iti 412 schools.
Umaboten iti 126,584 learners ti naapektaran iti rehion.
Iti agdama, 1,066 pay a classrooms iti 291 a pagadalan iti intero a pagilian iti maar-aramat kas evacuation centers para iti 9,068 displaced families.
Gapu iti damage kadagiti classroom, kinuna ni Angara nga insigidada a nangibingay ti suportar kadagiti pagadalan manipod iti panagdalus agingga panangiyakar kadagiti nadadael a modules.
