--Ads--
Nagsardeng ti panagibuang ti danum ti Ipo Dam iti Central Luzon kalpasan a bimmaba ti lebelna iti 100.93 a metro, nababbaba ngem ti Normal High Water Level a 101.10 a metro.
Immuna a nalukatan ti dam idi Agosto 19 kalpasan a ngimmato ti lebel ti danum gapu iti napigsa a tudo nga epekto ti Habagat.
Kabayatanna, agtultuloy met ti panagibuang ti danum ti Binga Dam ken Ambuklao Dam, nupay bimmassit ti volume ti danum a sumrek ken ibuwang dagitoy no ikumpara iti napalabas nga aldaw.
Agtalinaed a nangato ti lebel ti danum kadagiti dua a dam gapu iti agtultuloy a panagtudo kadagiti watershed areas-da.
-- ADVERTISEMENT --
